لِنَعْكِسَ بّياضَنا | |
« تَحْــليقٌ حَيٌّ وَمُثـــابِر » |
|
♞صَهيــــــــــلْ واحات فيها يتمدّد الموّال على خبب إيقاع الشعر الشعبي إرثاً ثريّاً و حاضراً مموسقاً.. محكيات تحمل المضامين |
|
أدوات الموضوع | انواع عرض الموضوع |
26-04-2014, 03:52 AM | رقم المشاركة : 1 | ||||
|
مُواطِن حافْ في بلاد العجايِب !
مُواطِن حافْ في بلادِ العجايِب !
د. نديم حسين ( بَوحٌ خياليٌّ . وإذا حدثَ تشابُهٌ بين أبطالها و " أبطالِنا " ، فهو وليدُ الصُّدفة .. اقتضى التنويه ) بَحـِبِّ الموزْ !
موزَه تـَلـَتْ مرَّاتْ في اليومْ .. صِحـِّتي تبقى جميلَهْ وْمانغا ، وآخِر لوزْ ! أصْلي يا خويـَهْ بحِبِّ الموزْ ! أكلتِ الموزَهْ .. وكمان موزَهْ .. شَكَرتِ المَولى كتيرْ وِ .. حـَمَدْ .. تْ يوم الجُّمعـَه وحـَدِّ وسَبتْ أمـَّا اللـُّوز فاخـْضَر على أبيض يَحيا اللـُّوزْ ! بحِبِّ اللـوزْ ! لوزَهْ خَمَس مرَّات في اليومْ .. قاشيِتي تِبقى وجاهـَهْ ومَعدَنْ .. آخِر موزْ ! وِ " كابوسْ " كابِسْ على أنفاسْنا خارِمْ عين أهالينا الجُّوزْ ! بحِبِّ الجُّوزْ ! " جُوزَهْ " سَبَع مرَّاتْ في اليومْ .. في الدِّلتا وفي شبينْ الكُومْ .. أيوَه يا خويَه وْنَعَمِ وآ ... آآه ! يِسِّ و " سِيْ " " سِيْ " سَنيورَهْ تـْدَلـَّعْ سِنيورْ زيِّ الطُّورْ والمَنظومْ بيحِبِّ التـُّومْ .. تـُومـَهْ عَشَر مرَّاتْ في اليومْ .. تِبعـِدْ عَنـَّك شَرِّ الناسْ .. مِالكاتـِمْ على قَصرِ " القُبـَّهْ " للكـَنـَّاسْ .. واللـِّحيـَه هيَّ بَزابورطَكْ بيها تعَدِّي سَبَع بَحراتْ وِتمَشـَّطها فـْيومِ الجُّمعـَه تَلـَتْ مرَّاتْ وانتَ بْتاكـُلْ .. قـَبـْلِ الشـَّفطِ وبَعدِ الشـَّفطْ ! تِشتِري بيها دولارِ النـَّفطْ ! تِرفَع ديلْ وتنزل ديل عدَّاك اللـُّومْ ! وعدوَّها راح يِبقى شْقيقَك ، وتحَيـِّيـه وِتقـُللـُّهْ : شالومْ ! دايـِم دُومْ ! فَرض وواجِب زيِّ الصُّومْ ! والقَملايـَه تسيبها تبَرطـَع وِسطِ القـَملْ .. لـِمِّ الشـَّملْ .. واللـِّحيـَه الأَمـُّورَه الحِلوَه صاحِبها اتشـَلّ .. تِشرَب خـَلّ ؟ أنا عن نفسي بحِبِّ الخـَلّ .. أصلـُه ينَضـَّفْ قبلِ المَنسَف ، بَعدِ المَنسَف توبِ النـُّومْ ! يا عيني عالنـُّومْ ! نومـَهْ ما تيجي وراها القُومـَهْ أصلِ القُومـَه وجَع وبَلاويْ .. زَرقـَه وخَضرَه في الصُّبحِيـَّه وطولِ اليومْ ! أنا عن نفسي بحبِّ النـُّومْ ! وِفَلـَسطينْ حَنحَرَّرهالـَكْ ييجي تـَلـَت مرَّات في اليومْ ! بـَسِّ تْسيبْهالـْنا وِتسيبـْهـُم بـَرًّا جـَوًّا أو عـَومـًا ، ويا عيني عالعـُومْ ! كـُلِّ فلسطيني فلسطينْ ! عِندِنا كامْ مليون " مُحتـَلـَّه " .. لينا ال " فِلسِ " وليكِ " الطـِّينْ " ! أصلِ قَصايـْدَك مش كَفياها ، ولا تـِتـْمـَرْ فيها الدَّواوينْ ! سيبْنا نـْنامْ وِحياة مِين خَلـَقـَكْ .. مش فاضيينْ ! رَوَّحلي المَستورَه " بهيـَّهْ " وطُخِّ ياسينْ ! مش فاضيينْ ! قولْ طقطوقـَه لعَمـِّنا " بَخّ " .. دَه الإخوان يِلزَمهُمْ أَخّ .. وارقـُصلِنا عالوَحدَه ونـُصّ .. جِيبْ تُمنايـَه أو نُصـَّايـَهْ ونـُصِّ النـُصّ .. تِسْطـِلْ شَعبِ الآ والهُسّ .. حَنرَشـَّح توت عَنخِ أَمونْ .. دَه ابنِ حلالْ وِجَدَع مَجنونْ .. حَتقول : No .. حَنقولـَّك : Si .. Si وِنوَكـَّلكُم عيشْ وِهَريسـِهْ مالـُه العيشْ ؟ ياللـَّهْ يا أَخّ .. إلعَبْ " بَخّ " .. مالـُه الجيشْ ؟ دَه يِحمي الثَّورَهْ ونـُصِّ الناسْ .. بَعدين يِمشي قـَفاه بيقَمـَّرْ ثـَورَه وعيشْ ! والمـَرَهْ عـَوْرَهْ .. والتـِّرمِسْ والهَرَمِ الأكبـَر أتخـَن عـَورَهْ .. كـَذاكَ الثـَّورَهْ .. يا بِنتِ الناسْ خَلـِّيها عَليكِ مليون مـَرَّهْ ! ومـَرَّهْ عَلينا . إلعيبْ فيـكِ .. عامْلـَه يا شاطرَه زَيِّ الفَرخـَه المِتصابـَهْ بِسُعالْنا الدِّيكيْ ! دَه العيبْ فيكِ ! فاهْمـَه يا شاطْرَهْ ؟ أصلِ الثـَّورَه دِه أكبَر عَورَهْ .. عايِز اكونْلـَها على شَواطيها الحِلوَه فَنارْ .. خوفي لـَتـِتكـَسـَّر سَفايِنها وتِغرَقـلـِنا في تَلـَت تِشبارْ .. وأبو عُكـَّازَهْ .. وأَوسِمـَه تـازَهْ .. شافْ إِنِّ الأَسعار ممتازَهْ .. قام حـَلاَّ وباعِ " الخَرطومْ " ! أصلـُه جَدَع مِرتاحْ فَرفُورْ ولِسـَّهْ كمانْ حيبيع " دَرفورْ " مـُخـُّهْ بايِنـُّه واخِدلـُه أَجازَهْ .. أصلِ الواد جِنِرال أَمـُّورْ ! " إلثـَّوري " يِمشي ويِتدَلـَّعْ .. " بَشـُّورَهْ " داسـُه وقـَللـُّه اخلـَعْ .. ناس بيقولو دَه ولَد مْخَلـَّصْ ناس بيقولو عليه فَشـَّارْ ! طويل ولذيذ وِحليوَه وأَسمَر لكـِنـُّه حْمارْ ! خَضرِةْ عينـُه جابِتلـُه ربيعْ .. بيعْ .. بيعْ .. ولد دكتورْ .. دكتاتورْ .. دِكتا .. دِكتا .. دِكتاتورْ ! يِشطَح ، يِنطَح زيِّ التُّورْ .. وأُمـُّه نْفيسـَهْ .. حَيوَكـَّلكـُم عيشْ وِهَريسـَهْ .. عَرَبِ وْكـُرْدِ وفُرسِ وأرمـَنْ .. تاكـُل مَلبـَنْ ؟ أنا عن نفسي بحبِّ المَلبَنْ ! والشَّرايين واقْفالـُه بالدُّورْ .. دكتا .. طورْ ! يِقْطـَع يُوصـِلْ يِشرَبْ شُربـًا ! ياكُل ثَورَهْ .. يِشرَب ثَورَهْ .. وِيحَلـِّي بِطَبـَقْ مُمـْبارْ ! أو كَفيارْ .. وامـُّهْ نْفيسـَهْ ، تـُطبُخلِنا نـَفـَسينْ وِهَريسـَهْ .. وتفهَّمنا إنِّ الثَّورَهْ دِه حُرمـَهْ وعَورَهْ .. وقِشـْرِ خيارْ .. وجِبنـَهْ وجُبـْنِ وسَلَطـَهْ وفارْ ! حَتـَتـًا بـَتـَتـًا أَو " نُو مُورْ ! " دِكتا .. دِكتا ..دِكتاطورْ ! والسـَّادِسْ جـِهْ بَعدِ الخامِسْ .. حابـِسْ .. حابـِسْ .. أحلى ما فيـهْ طَربوشـُه الأحمَرْ .. يِتمايِل فوق وشِّ مْدَوَّرْ .. دَهَب يطُـلِّ منالزنـَّارْ شَعبِ يبوس أصابيع مَعاليـهْ وِيجَوَّعـُه حاكـِم مـِنْدارْ أكلـُه مْشَمـَّرْ .. شَعبِ محَمـَّرْ .. حَيسـَلِّمـُه سادِسْ للسـَّابِعْ ! باتِعْ باتِعْ .. ويزَوَّد فَقرُه وبَلاويهْ .. شَعبِ يبوس أصابيع مَعاليهْ .. والخـَضْرَهْ بيُحكمها حَراميْ .. جـَرِّتـُه فاضْيـَهْ .. كُرباجُه يقيْد طَبعـُه الحاميْ .. جُوَّهْ : أَسَد بيزَبـَّط لِبدَهْ .. بـَرَّه : بتِشبـِهـُه حـِلِّة زِبدَهْ .. ويِهرَب زيِّ الفار وحياتـَك ، لـَمـَّا يقومِ الشَّعبِ عليـْهْ .. ياختي عليـهْ ! " بَغداد " باعْها كْبير حُرَّاسْها . " دِجلـَه " بتِشرَب دَمِّ بْكاسـْها . والإرهابي جَدَع مُتـَخـَلـِّفْ نازِل دَبحِ وقـَتـلِ بناسْها . " نـَجد " بتِمشي على العكاكيزْ .. محكومـَه بشـِلـِّة عواجيزْ .. أشطر واحِد فيهُم تيسْ .. ولَيلى وقيسْ .. لابسينْ شورْتِ وجوزْ بَلاليزْ !!. " صَنعـا " الحِلوَهْ الحُرَّهْ سَعيدَهْ .. زيِّ ما شَعبِ اليَمَنِ سَعيدْ .. عن شوارِعها قـَريبَه بعيدَهْ .. روحْ شوفْ مالْها هِناك يا بعيدْ !!. ليبيا يا ليبيا خلاَّكِ المِتنـَيـِّل كُوبيا حالِك لوبيا أنا عن نفسي بحبِّ اللوبيا لوبيا عشَر مرات في اليومْ مَجنون ليبيا دَه واحِد مَقلـَبْ حَبِّ السَّحلَبْ . مالـُه السَّحلَبْ ؟ جَنبِ الصَّرفِ الصِحـِّي انطـَخّ . إعزِف لِنا طقطوقـَه يا أَخّ.. عمـِّنا " باخّ " : " وطني حبيبي الوطن الأكبـَر " عيني يا عيني على الخَوازيقْ من بغداد ودِمِشقِ البَندَرْ للزَّقازيقْ فِيـقْ ! .. فِيـقْ ! أصلـَك نايِم والدُّنيا بتِعمِل وِتكـَبـَّرْ يَللـَّه نسَقـَّف للحكـَّامْ ! دول بَهاليل مش أيِّ كلامْ ! ربـِّنا ياخُدهـُم بالجـُّملـَهْ .. جُملـَهْ مُفيدَهْ ، قالِتها مُشيرَهْ وخالتي تـَفيدَهْ علشان ناكـُل بَدَل العيشْ كَعكِ وفُنضامْ ! علشان نِشرَب علشان نِلبس علشان نـِملا العـِشِّ حَمامْ ! ياللـَّه نسَقـَّف للحُكـَّامْ ! دول مَساطيلْ مش أيِّ كلامْ ! لامْ .. لامْ .. لامْ .. لامْ !! . . مبَلاشْ خيبـَهْ .. ياللـَّهْ تشاوْ !. إنتهى . |
||||
أدوات الموضوع | |
انواع عرض الموضوع | |
|
|
|