لِنَعْكِسَ بّياضَنا | |
« تَحْــليقٌ حَيٌّ وَمُثـــابِر » |
|
♞صَهيــــــــــلْ واحات فيها يتمدّد الموّال على خبب إيقاع الشعر الشعبي إرثاً ثريّاً و حاضراً مموسقاً.. محكيات تحمل المضامين |
|
أدوات الموضوع | انواع عرض الموضوع |
22-07-2022, 04:15 AM | رقم المشاركة : 1 | |||
|
زعمه
زعمه مازال فينا
اللي محافظ على روحنا المليحه العامره بالخير و محبة الناس خاطر أساسنا ناس و آخرتنا ناس و مهما عكسنا الحظ و الظروف تقوينا كلمة ما فيها باس و غالبين الخوف زعمه كلامنا مزال حلو و سمح يفرهد القلب و لو ماحالفوش الفرح نهارك دقلة و حليب خويا التحفون يطوّل في عمرك عمي "بلقاسم" .. منور جاري العزيز طاح الكف على ظلو راهو مسلم عليك "صلحلح " زعمه مزال فينا االلي يروف و يحن و بالعيب مايذمش في سيرة حد زعمه مزال فينا اللي يدو تسبق اليد تعاون و تقدر كبيرنا كيما ولد الحومه يفك القضيه من مرا كبيره يوصلها لباب الدار زعمه ترجع قعداتنا و لماتنا و سهريات الجيران ليالي الاعياد يتبادلو صحونة الحلو كل قدير و قدرو غريبة الحمص و البيضا المقروض ... البجاويه و الصمصا كعك الورقه و بقلاوة الباي الملونه .. زعمه مزال فينا شكون في وقت الضيق باللّي يقدر ما يبخلش على بعيد و لا صديق حتى بكليمة مايدوم شي يفرجها اللي ماينام الليل ربك سبحانو أعلم بكل شي زايده من أصلو كلمة زعمه اي نعم تونس كيما أي بلاد جغرافيا و ناس و الناس كيما في أي بلاد ناس و ناس لكن تونس ديما مزيانه شبابكها البرمقلي بببانها الملونه مشموم الصيف و نفحاتو صغرونه مزين كفها عود قرنفل تتخبى على خوها المطهر جديد على راسو شاشيه يتبختر في جبه حرير و إيديه مخضبه بالحنه يا كريم يا منان ... نشاله بشارة خير .... فرج عمر الأزرق ملاحظة عامة 1 : تتميز اللهجة التونسية بالوقوف على السكون في الغالب ملاحظة عامة 2: المفردات الهائية في آخرها ينصب فيها الحرف قبل الأخير أي قبل الهاء وفي الواوية منها يرفع و الهاء تقوم مقام التاء و الواو حرف ملكية الآخر و مثال ذلك نفحاتو و الفاء هنا مسكونة كقولك بالفصحى نفحاته شرح : زعمه = يا ترى ما فيها باس = لا بأس يروف = يرأف يفرهد = ينعش أو يسعد و يفرح دقله = و القاف هنا في الأصل ثلاثية النقاط و تنطق كما ينطق الحرف اللاتيني g و الطريف يكون مسكونا هنا وفق اللهجة التونسية لأن ما سبقها ورد متحركا و الدقلة تعني تمرا على اختلاف أنواعه التحفون= من الاتحاف أو بمعنى كالتحفة طاح الكف على ظلو = مثل شعبي بمعنى المسامح كريم أو حصل خير صلحلح= تصغير و تجميل في آن لاسم صالح مودة و محاباة الحومه= الحارة أو الحي مرا = إمرأة أو سيدة و الميم مسكونة صحونة الحلو = صحون الحلويات و المرطبات و مثيلها كل قدير و قدرو = كل حسب مقدوره ما ورد ضمن السطور 24/25/26= مرطبات و حلويات تونسية بين اليومي و بالمناسبة البرمقلي = نوع من الشبابيك التونسية المميزة زخرفة و شكلا و ترواحا بين لونين و أكثر |
|||
22-07-2022, 11:56 AM | رقم المشاركة : 2 | ||||
|
رد: زعمه
الشاعر الراقي أ/ فرج عمر الأزرق
طبعا هي المرة الأولى التي أقرأ لك نصا في الشعر المحكي وللحق، ذكرتني غنائيتك هنا بأشعار مصرية جميلة لشعراء عِظام، لا يتسع المجال لذكرهم، وصفوا الحارة والشارع والناس الطيبين شعر حين تقرأ كلماته، تدرك أن (الدنيا لسة بخير) لذا، فنعم، ما يزال فينا كل هذا.. وإن قلت الأمثلة، لكنها موجودة وباقية ،،،، أود أن أشكرك كثيرا على ما أوردته من شروح وتفصيل ملحق بالنص، مراعاة لاختلاف اللهجات وهذا في حد ذاته، إبداع منك فشكرا جزيلا
|
||||
22-07-2022, 11:58 AM | رقم المشاركة : 3 | ||||
|
رد: زعمه
تقديرا للمعاني الجميلة،
ودعما للشعر النابع من الوطن تثبيت مع التقدير
|
||||
26-07-2022, 08:50 PM | رقم المشاركة : 4 | |||||
|
رد: زعمه
اقتباس:
لعل اللهجة التونسية تشبه في حدها للهجة المغربية قاب قوسين أو أدنى زعمه زعمه وكأن الوقت سيصبح أااحلى ونحن فقط لازلنا وكنا نتمنى شكرا لك تقديري |
|||||
06-08-2022, 02:53 AM | رقم المشاركة : 5 | ||||
|
رد: زعمه
اقتباس:
مرحبا الراقية أ. أحلام بعض التيمات النصية ربما اللهجة المحلية تعزفها على عتبة القلب بأقل اجهاد و مجاهدة ... شرف لي أن تذكرك زعمه ببعض الروائع من مدونة المحكي المصري و فرسانها الأجلاء عيشك و لروحك الجميلة نوار عشية من قلب الخضراء |
||||
19-08-2022, 12:53 AM | رقم المشاركة : 6 | ||||
|
رد: زعمه
اقتباس:
خالص الود و الامتنان أحلامنا الطيبة مع تحايا الياسمين |
||||
09-06-2023, 05:38 AM | رقم المشاركة : 7 | ||||
|
رد: زعمه
اقتباس:
طبعا تتقارب اللهجات بين الأقطار و تتباعد أيضا داخل نفس القطر ... اللهم بلغنا ألفة القلوب و مسك العاقبة .. ودي و تقديري |
||||
أدوات الموضوع | |
انواع عرض الموضوع | |
|
|
|