|
|||||||
| ♞صَهيــــــــــلْ واحات فيها يتمدّد الموّال على خبب إيقاع الشعر الشعبي إرثاً ثريّاً و حاضراً مموسقاً.. محكيات تحمل المضامين |
 |
|
|
أدوات الموضوع | انواع عرض الموضوع |
19-08-2022, 03:00 AM
|
رقم المشاركة : 1 | |||||||
|
معادش بكري
برشا حالات متوحش نعاود نعيشهم و برشا حاجات نحب نعاود نشري منهم برغبة و في جو و ريق زمان و لو للمره الاخيره في حياتي كيما القطايف و التوت في قرطلتو ...
و منيش ناسي شبابك الجنه اللي تتفنن مرت عمي رشيدة في تحضيرهم بخفة دم و فيانة صوابع في كل زيارة لقلعتنا الصغرى أرض الاجداد و القلعة الصغرى مدينة على مشارف سوسة جوهرة الساحل التونسي مش عارف حاسس معادش برشا وقت و حاسس أكثر برشا حباب و صحاب يستعجلو فيا نخلط علاهم باش نتوانسو و نستذكرو ما كان ... شقيقتي بسمة بذكاها الملفت على اعتبار الزمن وقف بيها عند الرابعة و من حركاتها التمثيلية البارعة كيفاش كانت تتقرب من الوالدة و تشغلها بتقبيلها حتى تمد يدها من وراها الى علبة التمر تمر زمان و قت كان التمر بالصح مرادف للنور و تتمكن من كم قطعة زيادة على نصيبها و تبدى امي تتباهى بمحبتها لها و احنا قصدي انا و خواتي نتهامسو ضحك خاطرنا نعرفو حقيقة تودد بسومه لأمنا كل ما كانت اللمه فيها ما طاب من حلويات او مكسرات او غلال اللي خاصة يتهافتو علاها الصغار عادل ديما نتذكرو شعارو اللي رافعو في الدار منيش ماشي قاعدلكم كي المسمار .. . عادل عدوله صاحب القطاطس و راعيهم بلحق يحكي معاهم و قسمو من الحليب كل صباح لقطيطس و لا قطيطسه و اسمو على مسمى يعدل بيناتهم صحيح كل حد و عمرو و كل نفس و اجلها اما عادل تحسو اختار وقتاش يسرح في نومه بالطول و العرض ... ربي ينعمك صاحبي و يرحمك ... عدوله من خيرة صحابي و اولاد جيرانا زمان ولد أمي ناجيه اللي قداش كانت تشبه صوت و صوره لارتيسته هدى سلطان و عادل خو منذر اللي لتوه نعيطلو بابا رغم فرق السن مش كبير برشا كان بيناتنا أما خاطرو كان يعاملني كي خوه الصغير او كي ولد خوه و كان وقت قبل يعطيني دينار نشريلو باكو دخان كريستال و كي رجعلو باقي يقلي خلاهم عندك و قداش يضهرو برشا فلوس لدرجه نحير ساعات في ترتيب الالويات بين نكمل علاهم ميتين فرنك و لا ثلاثه باش نحصل ثمن خمسه اعداد او اكثر نسيت و الله من سلسلة مجلة عرفان متاع الاطفال من مكتبة الكتب القديمة بنهج روسيا بالعاصمة و اللي مش بعيده بلكل على زنقة سيالة من نهج سيدي علي عزوز من سوق بلاط وين تولدت و ترعرعت مع أطياف من الخضراء السمحه و غنية الروح والايقاعات عرب و امازيغ و عدد معتبر من مسيحي و يهود تونس اللي عمرهم ما ساومو على تونسيتهم و متصهينوش او نشري مجلة bravo مجلة فنية المانية تعنى وقتها بمشاهير العالم في الغناء أساسا من شارع الحبيب بورقيبة كي كان هاك الممر بين طرفي الشارع كله مقسم بين أكشاك الورد و المجلات العالمية في كل الاختصاصات و المجالات .... برشا حاجات مازالو في البال و على الخاطر.... المدرسة الإبتدائية بالمدينة العربي داخل الأسواق قريب لبلدية المدينة الأسواق معهد إقبال بنهج هولاندا مدرسة الصادقية و قهوة الشواشين و اول سيجارة مارشي سونترال الخربه و صحفة الدرع بالهريسه الحلوه و حلوى الشاميه و الجلجلان المرحي حسب الرغبة القصبه و كسكروتات الحاج منذر بالتن الخبز الحشايشي و اللي يقولو تفرح بيه للا عربيه كل ما حد يزور مقامها .... ... في صباح بكري متاع ثنين و عشرين ماي من الفين و ثنين و عشرين الطالب شد صحيح حتى جاوبت من غير منشوف النومرو ماشي في بالي أمي تكلم فيا صباح النور حموده* ..باهي .. باهي .. ماك موصيتني على نص رطل كمون و باكو اومو مفوح و سرفيات طاوله و دبوزة ستروناد باللوز لا .. لا ولدي نبيل* سامحني معاك عمك حبيب مفماش مشكلة ميسالش مرحبا ... لباس المهم خوك ... خوووك منير طاح فققققد توازنو ... الدوام لربي البركه فيكم ... متبطاش على أمك راهي منهاره... فرج عمر الأزرق حموده : إسم علم مذكر تنادى به المسماة حميدة محاباة و حميمية وهو إسم والدتي البيتي نبيل: إسم ف ع الأزرق البيتي أيضا ملاحظة : قريبا أرفق النص أعلاه بورقة توضيحية لبعض المفردات مراعاة لاختلاف اللهجات مع الشكر مسبقا للمتابعة و التفهم |
|||||||
|
|
20-08-2022, 01:01 AM
|
رقم المشاركة : 2 | ||||||||
|
رد: معادش بكري
مرحبا بالراقي فرج عمر الأزرق
للحق قرأت النص منذ نشرته، وحاولت استيعابه، ربما توصلت إلى أنه نوع من اليوميات.. أو ما شابه لكن اللهجة المحكية عاقتني كثيرا، وأنتظر وعدك بإرفاق الورقة التوضيحية التي أعلنت عنها لأقرأ بتمعن أكثر، ودون إرهاق 🙂 تقبل مروري وتقديري
|
||||||||
|
|
|
20-08-2022, 03:00 PM
|
رقم المشاركة : 3 | ||||||||
|
رد: معادش بكري
اقتباس:
معك حق صديقتي الراقية أ .أحلام الفارق في اللهجات مرهق بعض الشيئ و محفز في نفس الوقت مهما علا الفارق على تحسس تداعايات الأصدقاء المتحررة لحين من نظامية اللغة... فيما قرأت صديقتي فعلا ما يحيل الى كتابة اليوميات و ينسحب أيضا على ما شابه بحسب ما سيكون عليه الاخراج النهائي للمحكي أعلاه و الذي قطعا لن يخرج عن كتابة السيرة على معنى الارتداد الى ما كان و الحنين إليه بمسراته و مشقاته .... و لن أعتذر(ههه) عن ارهاق الأصدقاء الصابرين دائما كأنت أ .أحلام حيال حماقات الأزرق هنا و هناك... بحول الله أوج المساء تجهز الورقة التوضيحية يومك نور و حبور مودتي و تقديري |
||||||||
|
|
|
20-08-2022, 09:59 PM
|
رقم المشاركة : 4 | |||||||||
|
رد: معادش بكري
اقتباس:
تحملنا بين دروب تعود عليها الشاعر ليكتب بلغة سلسة تخالها صهيلا لكنها تحمل شكل سردية بلغة عامية الشاعر فرج تقديري لروحكم وكل الود
|
|||||||||
|
|
|
21-08-2022, 12:36 AM
|
رقم المشاركة : 5 | ||||||||
|
رد: معادش بكري
اقتباس:
كعادتك تتقنين رصد مقدمات البوح و تستشعرين بعدياته ... بوركت و حالفك النور قصدا و غاية مودتي و احترامي |
||||||||
|
|
|
21-08-2022, 01:06 AM
|
رقم المشاركة : 6 | |||||||
|
رد: معادش بكري
ورقة توضيحية
معادش بكري/ لم يعد باكرا و المقصود هنا تحديدا لم يبق في العمر أو منه الكثير برشا/ كثير و فصحاها برشاء متوحش / مشتاق جو و ريق زمان /و يقصد هنا بالاولى مناخات أو أجواء و الثانية مذاق و ألق زمان القطايف/ حلويات تقليدية و تحضر بقوة على وجه الخصوص بمناسبة رمضان الكريم التوت في قرطلتو/ التوت في محمله أو سلته و في الغالب تكون مادة السلة أو المحمل المحمل من القصب للمحافظة على نضارة التوت و نضجه أطول مدة ممكنة منيش كذا تفيد عدم قيامي بالفعل في الماضي / لست و منيش باش كذا تفيد عدم وقوع فعل او حصول و تحقيق حالة ما في المستقبل و منيش قاعد كذا نفي ما ذكر و لكن في الحاضر شبابك الجنة/ حلويات تونسية بيتية على وجه الحصر تكاد تكون مرت فلان/ امرأة أو زوجة فلان و القول مرا تعني امرأة بالمطلق فيانة أصابع / رشاقة أصابع و في الاصل مأخوذة عن الفرنسية و يقال ايضا فلان فينو اي رهيف الاحساس نخلط علاهم / ألتحق بهم نتوانسو ببعض أو مع بعض/ من الأنس و الونس نستذكرو أو نتذكرو / نتذكر عموما لكن نستذكرو زيادة على التذكر العفوي و التلقائي و الفجائي و العرضي و الطارئ تحمل معنى السعي للتذكر و مجاهدته و استغراقه مديدا ... بذكاها/ بذكائها بيها بكسر الباء /بها كيفاش/ كيف وراها و الواو مسكونة و سكون الحرف الاول لعدد هام من المفردات من مميزات الدارجة التونسية / وراءها كل ما / كلما اللي/ الذي أو التي علاها/عليها كي أو كيما / مثل أو ككذا ... وكي تعني أيضا عندما أو لما مع تشديد الميم بحسب السياق فالقول يعاملني كي خوه أي يعاملني كأخ له و القول كي رجعلو الباقي أو البقية أي عندما أعيد إليه كذا و كذا ... قطاطس/قطط ,قطيطسه أو قطوسه /قطة ،قطيطس او قطوس/قط وقتاش /متى نومه بفتح الميم و الهاء تكتب فقط و لا تنطق مطلقا و لا تشكل بالسكون حتى و ذلك ايضا من خاصيات اللهجة التونسية /نوم من خيرة صحابي / من أحسن أفضل أطيب ... صحابي قداش/ كم لارتبسته / فنانة , لارتيست/فنان و معربة محليا عن الفرنسية خو/ أخ لتوه / للآن نعيطلو / أناديه بكذا أو خصه باسم أو صفة ما للتبجيل أو التخصيص ... مش أو موش كبير /ليس أو غير كبير باكو/علبة خاطرو خاطرني خاطرك و هكذا /لأنه لأني لانك أما على خاطرها خاطرنا خاطرهم/ لأجلها لاجلنا لأجلهم ميتين/مائتان بلكل / أبدا و مطلقا و بتاتا هاك /ذاك و ذلك أو خذ حسب السيلق مارشي سونترال و فرنسية المصدر / السوق المركزية للا و اللام المدية مضعفة / سيدة أو السيدة بمعنى صاحبة المقام العالي لأمر ما و للا عربية و للا أم الزين و االسيدة المنوبية و السيدة الدرعية هن من صاحبات الكرامات و الأولياء الصالحين حسب الذاكرة الشعبية التونسية ماك/ أداة تأكيد متاع فلان / صاحبه و له ملكه يخصه اي عموما اداة تملك أو نسب سرفيات وهي من الفرنسية / منديل دبوزة/ قارورة سيتروناد و في الأصل فرنسية/ عصير الليمون مفماش/ غير موجود أو ليس هناك و عموما تعني فقدان ما يسأل عنه ميسالش/ لا بأس أو مسموح متبطاش/ لا تتأخر راهي و راهو و راكم ... إنها و إنه و إنكم ... و تعني وراكم أيضا خلفكم مثل وراهم / خلفهم مع الشكر لعلو كعب تركيزكم و انتباهكم و خاصة على صبركم الجميل عيشكم حبابي /عشتم أحبتي |
|||||||
|
|
|
27-08-2022, 11:38 AM
|
رقم المشاركة : 7 | ||||||||
|
رد: معادش بكري
الشاعر الراقي فرج عمر الأزرق
طابت أوقاتك بالخير شكرا لك على هذه الورقة التفصيلية بمفردات اللهجة التونسية، التي سهلت فهم النص إلى حد كبير تقبل احترامي وتقديري
|
||||||||
|
|
|
28-08-2022, 12:44 AM
|
رقم المشاركة : 8 | |||||||||
|
رد: معادش بكري
اقتباس:
كلام بطعم العيش البلدي والعسل الأسود والفطير المشلتت.. شكرا لك أيها الراقي .. فرج الأزرق تحياتي لكم
|
|||||||||
|
|
|
30-08-2022, 02:56 PM
|
رقم المشاركة : 9 | ||||||||
|
رد: معادش بكري
قرأتها باللهجة المحكية وعدت إلى الورقة التوضيحية ربما كان انطباعي الأول قبل التوضيح صحيحاً فالنص وإن زرع في الصهيل لأنه باللهجة المحكية لكنه سرد يوميات متقن بما حمل من تفاصيل معيشية حية مبدع حرفك القيم في كل شكل له الراقي القدير ا. فرج الأزرق تقبل تقديري الدائم وكل مودتي عايده
|
||||||||
|
|
|
30-08-2022, 04:00 PM
|
رقم المشاركة : 10 | ||||||||
|
رد: معادش بكري
قرأت هذا الزخم من الحروف المحكية
لكن .. بعض الكلمات باللهجة التونسية او المغاربية لم تكن مفهومة تقديري
|
||||||||
|
|
|
01-09-2022, 12:57 AM
|
رقم المشاركة : 11 | ||||||||
|
رد: معادش بكري
اقتباس:
يسعدني برشاء أن يتناول فهمك الوضاح اختلاجاتنا على رست المحكي بوركت صديقتي الغالية |
||||||||
|
|
|
23-09-2022, 12:57 PM
|
رقم المشاركة : 12 | ||||||||
|
رد: معادش بكري
فرج عمر الأزق حيرني اسمك كم هو شاعري
اعدتنا للحنان والحنين والكلمات التي كدنا نفقدها لسرعة العصر وعولمته وتحدثت بسلاسة عن سيرة بسيطة وجميلة ختمت بفاجعة فرحم الله اخوك ولكن يا فرج لو سمحت ساصحح معلومة ذكرتها هنا ان كل يهود تونس لم يتصهينوا ربما الذين عرفتهم انت في حيك وحارتك اوفي اماكن اخرى وهؤلاء ان بقوا على تونسيتهم فاحترامي لهم ،ولكن لاما انا فعرفت من حارتنا القديمة من حينا القديم بسوسة العتيقة تحت السور الجوفي حيث كان مسكننا الشتوي الذي كنا لا نبرحه طيلة اسنة الدراسية ا كانت خزامى بانسبة نا البستان والبيت الصيفي ايام المدرسة في حارتنا التي ذكرت اعرف من رحلوا كلهم ليستوطنوا بفلسطين ومنهم حتى من دخل الجيش الصهيوني واصبح ذذراع جريمة في تقتيل الفسطينيين
|
||||||||
|
|
|
31-05-2023, 11:50 PM
|
رقم المشاركة : 13 | ||||||||
|
رد: معادش بكري
اقتباس:
الجميل مبدعنا أحمد علي تحية تليق بحضورك الظريف و فيه من الدعم الكثير ... عشت صديقي النبيل توحشناك ... |
||||||||
|
|
|
01-06-2023, 05:07 PM
|
رقم المشاركة : 14 | ||||||||
|
رد: معادش بكري
يوميات مميزة
أتمنى ان تكملها وتطبعها في كتاب ..شدني اسلوبك الجميل بالطرح فهمت نصك رغم اختلاف اللهجات كلمة قطاطس لم افهمها دام ابداعك وكل التوفيق لك
|
||||||||
|
|
|
| أدوات الموضوع | |
| انواع عرض الموضوع | |
|
|
|
|
العرض العادي
